نبذه:
عربية مميزة جدا مصنوعة باعلى مستوى من الجودة المعروف عنها بيجو وبالمناسبة العربية دي هيا نفسها ستروين اليزيه بس بشكل وماركة مختلفة لكن المصنع واحد والاختلاف في الشكل وفي المواصفات بس اجمل حاجة تميز العربية دي انها بيجو بس بسعر اقل وعملية اكتر وفي نفس الوقت تعتبر من اقل عربيات بيجو تكلفة في الصيانة وقطع الغيار.
العربية ممتازة بالنسبة للسوق المصري لقوة تحملها وعلوها عن الارض.
الخبراء بيعتبروا العربية دي من احسن العربيات في فئتها لو بتدور على حاجة عملية وبسعر كويس وماركة عريقة ومعروفة زي بيجو.
رايي الشخصي:
من ناحية السعر والعملية وظروف السوق والشوارع المصرية العربية دي تعتبر من احسن العربيات في فئتها او الافضل على الاطلاق للسوق المصري وانا شخصيا افضلها على العربيات الكوري "والصيني طبعا" بسبب الماركة وقوة العربية وتحملها على الطريق وده حتى كان واضح من اعلان العربية الرسمي.
تجربتي في معرض اوتوماك 2015 :
كانت اول عربية اشوفها اول مادخلت المعرض وعجبني ذكاء عرض بيجو للعربية لانها اختارت اجمل لون على العربية وهو اللون الابيض وكانت واقفه في الواجهه وكانت اكتر عربية بتجذب زوار المعرض لقسم البيجو بسبب شكلها الجميل باللون الابيض وطبعا دي مسالة اذواق.
التصميم الخارجي عملي وجميل صحيح مش رياضي اوي زي الكيا والهيونداي بس الجانب العملي للعربية مميز اوي زي حجم الشنطة الكبير والعلو عن الارض ومقاس العجل "لفئة الهاي لاين" ووسع الصالون الداخلي.
وانا بفتح الباب حسيت انه مصنوع بدرجة عالية من الدقة وكمان ثقل الباب بالمقارنة مع عربيات ركبتها بعد كده يعتبر اثقل من الكوري وفي مستوى الياباني ولما ركبت حسيت بجودة الخامات ودقة التصنيع والتابلوة جميل ومميز اوي من وجهة نظري وبصراحة مكنتش مصدق سعرها لما ركبتها.
الكراسي كبيرة والعربية واسعة جدا من جوة بدون مبالغه والكرسي مدعم من الاجناب ومريح وممكن اقول ان العربية دي مناسبة جدا لطوال القامه.
البساطة والعملية هما لغة العربية دي وده كان واضح في التصميم الداخلي رغم ان احيانا البساطة ممكن تكون على حساب الجمال زي مكان ازرار النوافذ كانت موجودة في الكونسول الوسطي وكمان للكراسي الخلفية كمان ودي حاجة ضايقتني شوية بس مفيش حاجة كاملة.
الدريكسيون مغلف بالجلد والتابلوه مطعم بالخشب ده غير تطعيمات الكروم كل دي حاجات حسستني اني راكب عربية اعلى من فئتها والاضاءه الداخلية الحمراء المعروفه عن عربيات بيجو مميز جدا.
بصراحة عربية ممتازة لاي حد عايز عربية عملية وتستحمل وبسعر كويس.
وده فيديو عن العربية صورته بنفسي
عربية مميزة جدا مصنوعة باعلى مستوى من الجودة المعروف عنها بيجو وبالمناسبة العربية دي هيا نفسها ستروين اليزيه بس بشكل وماركة مختلفة لكن المصنع واحد والاختلاف في الشكل وفي المواصفات بس اجمل حاجة تميز العربية دي انها بيجو بس بسعر اقل وعملية اكتر وفي نفس الوقت تعتبر من اقل عربيات بيجو تكلفة في الصيانة وقطع الغيار.
العربية ممتازة بالنسبة للسوق المصري لقوة تحملها وعلوها عن الارض.
الخبراء بيعتبروا العربية دي من احسن العربيات في فئتها لو بتدور على حاجة عملية وبسعر كويس وماركة عريقة ومعروفة زي بيجو.
رايي الشخصي:
من ناحية السعر والعملية وظروف السوق والشوارع المصرية العربية دي تعتبر من احسن العربيات في فئتها او الافضل على الاطلاق للسوق المصري وانا شخصيا افضلها على العربيات الكوري "والصيني طبعا" بسبب الماركة وقوة العربية وتحملها على الطريق وده حتى كان واضح من اعلان العربية الرسمي.
تجربتي في معرض اوتوماك 2015 :
كانت اول عربية اشوفها اول مادخلت المعرض وعجبني ذكاء عرض بيجو للعربية لانها اختارت اجمل لون على العربية وهو اللون الابيض وكانت واقفه في الواجهه وكانت اكتر عربية بتجذب زوار المعرض لقسم البيجو بسبب شكلها الجميل باللون الابيض وطبعا دي مسالة اذواق.
التصميم الخارجي عملي وجميل صحيح مش رياضي اوي زي الكيا والهيونداي بس الجانب العملي للعربية مميز اوي زي حجم الشنطة الكبير والعلو عن الارض ومقاس العجل "لفئة الهاي لاين" ووسع الصالون الداخلي.
وانا بفتح الباب حسيت انه مصنوع بدرجة عالية من الدقة وكمان ثقل الباب بالمقارنة مع عربيات ركبتها بعد كده يعتبر اثقل من الكوري وفي مستوى الياباني ولما ركبت حسيت بجودة الخامات ودقة التصنيع والتابلوة جميل ومميز اوي من وجهة نظري وبصراحة مكنتش مصدق سعرها لما ركبتها.
الكراسي كبيرة والعربية واسعة جدا من جوة بدون مبالغه والكرسي مدعم من الاجناب ومريح وممكن اقول ان العربية دي مناسبة جدا لطوال القامه.
البساطة والعملية هما لغة العربية دي وده كان واضح في التصميم الداخلي رغم ان احيانا البساطة ممكن تكون على حساب الجمال زي مكان ازرار النوافذ كانت موجودة في الكونسول الوسطي وكمان للكراسي الخلفية كمان ودي حاجة ضايقتني شوية بس مفيش حاجة كاملة.
الدريكسيون مغلف بالجلد والتابلوه مطعم بالخشب ده غير تطعيمات الكروم كل دي حاجات حسستني اني راكب عربية اعلى من فئتها والاضاءه الداخلية الحمراء المعروفه عن عربيات بيجو مميز جدا.
بصراحة عربية ممتازة لاي حد عايز عربية عملية وتستحمل وبسعر كويس.
وده فيديو عن العربية صورته بنفسي
تعليقات
إرسال تعليق