نبذة:
عربية يابانية ليها سمعتها في السوق المصري وتاريخها العريق يشهد ليها بكده كفايه انها تعتبر اكثر العربيات مبيعا في العالم في فئتها وتم بيع 40 مليون عربية منها سنة 1997 وبيتم بيع عربية كل 30 ثانيه على مدار 40 سنة وتعتبر من اهم طرازات شركة تويوتا وبكده تتفوق على طرازي يارس وكامري.
رايي الشخصي:
سمعة العربية وشهرتها يخلي شركة تويوتا تهتم بيها جدا وديما بتحط فيها احدث حاجة وصلت ليها في مجال التصميم والامكانيات بدون المبالغة في السعر لانها في الاساس مصنعه على اساس انها عربية اقتصادية وتويوتا مشهورة بدول الخليج على اساس انها عربية قوية وبتتحمل اقصى الظروف الصعبة.
تجربتي في معرض اوتوماك 2015:
لما دخلت قسم التويوتا شوفت الكورولا باللون الاحمر وكانت اعلى فئة من العربية بكماليات جديدة زي الاضافات الرياضية وفتحة السقف وبعد كده لقيت الكورولا العادية وبصراحة عجبتني اكتر لان العربية مش مصممه على اساس انها عربية رياضيه زي اللانسر وبالتالي الاضافات الشكلية الجديدة مش ميزة من وجهة نظري.
العربية لونها ابيض زي اغلب العربيات بالمعرض وبصراحة عجبني على العربية جدا والتصميم الجديد كان رائع بكل المقاييس وممكن اقول انها من اجمل العربيات في فئتها.
فتحت باب العربية عجبني ثقله وقوته وحسيت بجودة الصناعة والخامات كمان مقارنة بعربيات كتير من نفس الفئه زي الكيا والهايونداي ولفت نظري ان سمك الباب مش كبير ولما ركبت لقيت تصميم التابلوه والمسند وكل التفاصيل مصممه لهدف واحد بس وهو الاحساس بالاتساع حتى لو على حساب الشكل وده عكس اسلوب عربيات تانية زي الاوبل استرا لما ركبتها بالمعرض فالتابلوه والابواب اجمل في الاسترا لكن المساحات ضيقه (دي طبعا وجهة نظري الشخصية).
الاحساس بالاتساع كان سببه كمان الكراسي الكبيره والمدعمه بشكل ممتاز من الاجناب (رغم ان ده مش واضح في الصور والفيديو) وانا بنصح بالعربية دي لطوال القامه
اول ماقفلت الباب بعد ماركبت لاحظت عزل الصوت الممتاز وده ممكن تلاحظوه في الفيديو وكمان الخامات ودقة وجودة الصناعة للعربية من جوة وعجبني جدا الجانب العملي في التصميم يعني ترتيب الازرار بالتابلوه والعدادات الجميلة والواضحه.
العربية مريحة جدا وواسعة ومصنعة بجوده ممتازة لكن مش عربية رياضية من حيث التصميم الخارجي او الداخلي وانا حبيت اوضح النقطة دي لان كتير بيسالوني العربية دي احسن ولا الكيا سيراتو حتى وانا في المعرض واجابتي كانت واحدة:
لو عايز عربية عملية وبجوده وخامات عالية يبقى التويوتا كورولا
لو عايز عربية رياضية من حيث الشكل الخارجي والداخلي يبقى الكيا سيراتوا
وده فيديو مختصر عن العربية:
رايي الشخصي:
سمعة العربية وشهرتها يخلي شركة تويوتا تهتم بيها جدا وديما بتحط فيها احدث حاجة وصلت ليها في مجال التصميم والامكانيات بدون المبالغة في السعر لانها في الاساس مصنعه على اساس انها عربية اقتصادية وتويوتا مشهورة بدول الخليج على اساس انها عربية قوية وبتتحمل اقصى الظروف الصعبة.
تجربتي في معرض اوتوماك 2015:
لما دخلت قسم التويوتا شوفت الكورولا باللون الاحمر وكانت اعلى فئة من العربية بكماليات جديدة زي الاضافات الرياضية وفتحة السقف وبعد كده لقيت الكورولا العادية وبصراحة عجبتني اكتر لان العربية مش مصممه على اساس انها عربية رياضيه زي اللانسر وبالتالي الاضافات الشكلية الجديدة مش ميزة من وجهة نظري.
العربية لونها ابيض زي اغلب العربيات بالمعرض وبصراحة عجبني على العربية جدا والتصميم الجديد كان رائع بكل المقاييس وممكن اقول انها من اجمل العربيات في فئتها.
فتحت باب العربية عجبني ثقله وقوته وحسيت بجودة الصناعة والخامات كمان مقارنة بعربيات كتير من نفس الفئه زي الكيا والهايونداي ولفت نظري ان سمك الباب مش كبير ولما ركبت لقيت تصميم التابلوه والمسند وكل التفاصيل مصممه لهدف واحد بس وهو الاحساس بالاتساع حتى لو على حساب الشكل وده عكس اسلوب عربيات تانية زي الاوبل استرا لما ركبتها بالمعرض فالتابلوه والابواب اجمل في الاسترا لكن المساحات ضيقه (دي طبعا وجهة نظري الشخصية).
الاحساس بالاتساع كان سببه كمان الكراسي الكبيره والمدعمه بشكل ممتاز من الاجناب (رغم ان ده مش واضح في الصور والفيديو) وانا بنصح بالعربية دي لطوال القامه
اول ماقفلت الباب بعد ماركبت لاحظت عزل الصوت الممتاز وده ممكن تلاحظوه في الفيديو وكمان الخامات ودقة وجودة الصناعة للعربية من جوة وعجبني جدا الجانب العملي في التصميم يعني ترتيب الازرار بالتابلوه والعدادات الجميلة والواضحه.
العربية مريحة جدا وواسعة ومصنعة بجوده ممتازة لكن مش عربية رياضية من حيث التصميم الخارجي او الداخلي وانا حبيت اوضح النقطة دي لان كتير بيسالوني العربية دي احسن ولا الكيا سيراتو حتى وانا في المعرض واجابتي كانت واحدة:
لو عايز عربية عملية وبجوده وخامات عالية يبقى التويوتا كورولا
لو عايز عربية رياضية من حيث الشكل الخارجي والداخلي يبقى الكيا سيراتوا
وده فيديو مختصر عن العربية:
تعليقات
إرسال تعليق