نبذة:
تعتبر الفورد فوكاس من اكتر العربيات مبيعا في تاريخ شركة فورد وكان اول ظهور للعربية بالاسواق الامريكية سنة 1998 وتستهدف شركة فورد بالموديل ده الشباب وبتدخل بيه المنافسه مع افضل السيارات في الفئة دي زي التويوتا كورولا والاوبل استرا والجيل الحالي هو الجيل الثالث من بعد التعديل او فيسليفت للموديل الي فات وكان اول ظهور ليه كان في سنة 2011 وحقق طفرة في المبيعات سنة 2013 وديما كان بيتصدر قوائم افضل السيارات الصالون متوسطة الحجم خلال الفترة دي.
رايي الشخصي:
من ضمن اهم الاسباب اللي خلتني اهتم بالعربية دي بالذات هو شهرتها على مستوى العالم ودخولها ديما المنافسة في المقارنات مع عربيات تانية ممكن تكون اكتر شهره وشعبية عنها ورغم انها مش واخده حقها في السوق المحلي الا اني قررت اني اكتب تجربة مختصرة عنها لاني فعلا بالمقارنة مع عربيات تانية جربتها لقيتها فعلا عربية مميزة وده حوضحه بالتفصيل.
تجربتي في معرض اوتوماك 2015:
زي ماوضحت ان فورد تستهدف الشباب بالموديل ده كانت الالوان مميزه جدا للعربية بفئاتها الثلاثة الازرق للصالون والابيض للهاتشباك والاحمر للهاي لاين او "التيتانيوم" واول مالفت نظري هو الشكل الامامي للعربية اللي يشبه لحد كبير عربيات استون مارتن الرياضيه ودي من اشهر العربيات الرياضية الفاخره وكمان استعانت شركة فورد بنفس التصميم للعربية الفورد فيوجن بس طبعا بابعاد اكبر تناسب الفئة دي ومش حتكلم عن الشكل الخارجي لان الصور والفيديو حتتكلم عنها ودي مسالة اذواق.
فتحت الباب حسيت انه سميك وثقيل ممكن اكتر من الكورولا بس اقل من الاسترا وانطباعي الاول عن العربية انها بتجمع مابين العربيتين من حيث الجودة والصناعة بمعنى ان الكورولا اخف بس واسعة وعملية والاسترا اقل في المساحة بس اثقل واجود في الخامات ولما ركبت وقفلت الباب عجبني العزل الصوتي التام والكراسي الرياضية المدعمة بشكل ممتاز من الاجناب رغم انها اصغر من كراسي الكورولا خصوصا للكنبة الخلفية الا انها مثالية جدا لمتوسطي وقصار القامة خصوصا ان التحكم فيها بشكل كهربائي بالكامل وده اللي يميز العربية دي.
تصميم التابلوه رياضي جدا وكبير بعكس تابلوه الكورولا ويعيب التصميم ده انه قلل المساحات شوية بس في المقابل شكل رياضي وانسيابي للتابلوه وانا حسيت اني فعلا راكب عربية رياضية بتصميم العدادات المميز والمقود وحتى مسند اليد القابل للتعديل.
صحيح الشاشة الكبيرة ميزة كبيرة للعربية واضاءتها والالوان ممتازة لكن حساسية الشاشة للمس كانت ضعيفة ده غير ان الشاشة بعيدة شوية يعني كان من الافضل يعملوا وسيلة للتحكم في الشاشة قريبة من مسند اليد زي ماهو موجود في المازدا 3 مثلا لكن غير كده العربية ممتازة في كل حاجة.
فئة الهاي لاين "او التيتانيوم" تتميز بالكراسي الكهربائية زي ماوضحت وفتحة السقف وشاشة التاتش الكبيرة "واكيد فيه مميزات تانية" ودي حاجات مش موجودة في العربيات التانية من نفس الفئة وفي نفس الوقت سعر فئة الهاي لاين مش مبالغ فيها زي مابتعمل شركات زي كيا مع السيراتو الجديدة او الهيونداي مع الالنترا وتقريبا سعر العربية متقارب مع العربيات التانية رغم وجود المواصفات دي.
وده فيديو للثلاث فئات للعربية:
تعتبر الفورد فوكاس من اكتر العربيات مبيعا في تاريخ شركة فورد وكان اول ظهور للعربية بالاسواق الامريكية سنة 1998 وتستهدف شركة فورد بالموديل ده الشباب وبتدخل بيه المنافسه مع افضل السيارات في الفئة دي زي التويوتا كورولا والاوبل استرا والجيل الحالي هو الجيل الثالث من بعد التعديل او فيسليفت للموديل الي فات وكان اول ظهور ليه كان في سنة 2011 وحقق طفرة في المبيعات سنة 2013 وديما كان بيتصدر قوائم افضل السيارات الصالون متوسطة الحجم خلال الفترة دي.
رايي الشخصي:
من ضمن اهم الاسباب اللي خلتني اهتم بالعربية دي بالذات هو شهرتها على مستوى العالم ودخولها ديما المنافسة في المقارنات مع عربيات تانية ممكن تكون اكتر شهره وشعبية عنها ورغم انها مش واخده حقها في السوق المحلي الا اني قررت اني اكتب تجربة مختصرة عنها لاني فعلا بالمقارنة مع عربيات تانية جربتها لقيتها فعلا عربية مميزة وده حوضحه بالتفصيل.
تجربتي في معرض اوتوماك 2015:
زي ماوضحت ان فورد تستهدف الشباب بالموديل ده كانت الالوان مميزه جدا للعربية بفئاتها الثلاثة الازرق للصالون والابيض للهاتشباك والاحمر للهاي لاين او "التيتانيوم" واول مالفت نظري هو الشكل الامامي للعربية اللي يشبه لحد كبير عربيات استون مارتن الرياضيه ودي من اشهر العربيات الرياضية الفاخره وكمان استعانت شركة فورد بنفس التصميم للعربية الفورد فيوجن بس طبعا بابعاد اكبر تناسب الفئة دي ومش حتكلم عن الشكل الخارجي لان الصور والفيديو حتتكلم عنها ودي مسالة اذواق.
فتحت الباب حسيت انه سميك وثقيل ممكن اكتر من الكورولا بس اقل من الاسترا وانطباعي الاول عن العربية انها بتجمع مابين العربيتين من حيث الجودة والصناعة بمعنى ان الكورولا اخف بس واسعة وعملية والاسترا اقل في المساحة بس اثقل واجود في الخامات ولما ركبت وقفلت الباب عجبني العزل الصوتي التام والكراسي الرياضية المدعمة بشكل ممتاز من الاجناب رغم انها اصغر من كراسي الكورولا خصوصا للكنبة الخلفية الا انها مثالية جدا لمتوسطي وقصار القامة خصوصا ان التحكم فيها بشكل كهربائي بالكامل وده اللي يميز العربية دي.
تصميم التابلوه رياضي جدا وكبير بعكس تابلوه الكورولا ويعيب التصميم ده انه قلل المساحات شوية بس في المقابل شكل رياضي وانسيابي للتابلوه وانا حسيت اني فعلا راكب عربية رياضية بتصميم العدادات المميز والمقود وحتى مسند اليد القابل للتعديل.
صحيح الشاشة الكبيرة ميزة كبيرة للعربية واضاءتها والالوان ممتازة لكن حساسية الشاشة للمس كانت ضعيفة ده غير ان الشاشة بعيدة شوية يعني كان من الافضل يعملوا وسيلة للتحكم في الشاشة قريبة من مسند اليد زي ماهو موجود في المازدا 3 مثلا لكن غير كده العربية ممتازة في كل حاجة.
فئة الهاي لاين "او التيتانيوم" تتميز بالكراسي الكهربائية زي ماوضحت وفتحة السقف وشاشة التاتش الكبيرة "واكيد فيه مميزات تانية" ودي حاجات مش موجودة في العربيات التانية من نفس الفئة وفي نفس الوقت سعر فئة الهاي لاين مش مبالغ فيها زي مابتعمل شركات زي كيا مع السيراتو الجديدة او الهيونداي مع الالنترا وتقريبا سعر العربية متقارب مع العربيات التانية رغم وجود المواصفات دي.
وده فيديو للثلاث فئات للعربية:
تعليقات
إرسال تعليق