نبذة:
مرسيدس رفعت مستوى السي كلاس الجديدة لمستوى اعلى بكتير والعربية فعلا مبهره بكل المقاييس وابسط وصف يقال عنها انها اس كلاس ميني يعني النسخة المصغره من الاس كلاس اللي تعتبر من افخم العربيات بتنتجها مرسيدس وسمعتها معروفه طبعا.
طبعا لاتعليق على عربية اللي بتعتبرها مرسيدس من اهم العربيات اللي بتنتجها وبتحقق نجاح ومبيعات عالية جدا على مستوى العالم علشان كده اهتموا بيها اوي السنة دي وده كان واضح جدا في شكل العربية من بره وجوة وقائمه المواصفات الغنية جدا بكل حاجة.
الموتور تقريبا زي موتور الموديل اللي فات بس اداؤه اعلى لان العربية اخف وكمان التصميم الجديد بيقلل احتكاك الهوا على السرعات الكبيره.
رايي الشخصي:
مش حقول اكتر من ان العربية دي جذبت زوار معرض اوتوماك كلهم ومفيش حد راح المعرض من غير مايشوف العربية دي والطريف انها جذبت الانظار عن الفئات الاعلى زي الاي كلاس وانا بعتبرها عروس المعرض السنة دي وكمان لونها الابيض زاد من جمال العربية وجاذبيتها.
تجربتي في معرض اوتوماك 2015:
وانا داخل على قسم المرسيدس وقفت لثواني اتفرج على السي كلاس اللي كانت واقفة في وسط القسم الخاص بالعربيات المرسيدس وكانهم عارفين انها اكتر عربية حتجذب الانظار والجميل السنة دي في مرسيدس ان كل عربيات المرسيدس كانت بلون واحد وهو اللون الابيض.
مش حتكلم عن الشكل الخارجي غير انه اس كلاس بالضبط بس بابعاد وحجم اصغر وطبعا مفيش اي تعليق على الشكل غير انه من اجمل العربيات اللي صنعتها مرسيدس وطبعا من اجمل العربيات في فئتها.
وانا بفتح الباب عجبني جدا ثقل البودي والباب كان تقيل في ايدي ومحمل كاني بفتح باب الاس كلاس وممكن اقول انها من اتقل العربيات اللي ركبتها في المعرض وكمان سمك الباب والخامات الداخليه مش اقل ابدا من الاي والاس كلاس وانا بحب بشكل عام اهتم بموضوع ثقل الباب والبودي لان ده من اهم وسائل الحماية والامان لاي عربية من وجهة نظري بالاضافة طبعا لاحدث انظمة الامان المعروفة.
لما ركبت العربية نسيت تماما الموديل اللي فات لاني فعلا راكب عربية مختلفة في كل حاجة حسيت ان مرسيدس حطت احدث حاجة وصلت ليها في مجال التصميم والتكنولوجيا والصناعة في العربية دي.
طبعا كل حاجة بالكهربا مفيش اي حاجة يدوي زي التحكم في الكرسي والمقود وازرار التحكم في الكرسي على الباب واكتر حاجة عجبتني التفاصيل الداخلية زي الازرار وفتحات التكييف وكل حاجة مصنوعة بدقة وبأجود الخامات.
وطبعا الكونسول الوسطي المصنوع بالكامل من الخشب مع فتحات التكييف الدائرية الكبيرة والشاشة اللي بيتم التحكم فيها ببكره عند مسند اليد كل ده مصنوع بمنتهى الدقة وبمواد فخمة جدا.
كل الكماليات كانت موجودة زي فتحة السقة البانوراميه الجذابة والنظام الصوتي المتطور.
عربية زي دي اكيد ملهاش عيوب بس انا حتكلم عن رايي الشخصي لما ركبت العربية.
الكرسي ممتاز ومدعم من الاجناب بس قاعدة الكرسي كانت قصيرة وكنت مضطر ازود طول قاعدة الكرسي.
العدادات مش كبيرة ومش جذابة اوي زي المرسيدس الـ CLA بس الشاشة الوسطية مابنهم كبيرة وواضحة وطبعا الفخامة والتصميم الداخلي للتابلوه يعوض ده.
الشنطة صغيرة بالنسبة للفئه دي من العربيات وكمان المساحات جوة مش كبيرة اوي زي باقي العربيات في فئتها.
اخيرا العربية دي مش بتمشي الا ببنزين 95 وده عرفته من كلامي مع مسئول مرسيدس في المعرض.
وده فيديو عن العربية صورته بنفسي
طبعا لاتعليق على عربية اللي بتعتبرها مرسيدس من اهم العربيات اللي بتنتجها وبتحقق نجاح ومبيعات عالية جدا على مستوى العالم علشان كده اهتموا بيها اوي السنة دي وده كان واضح جدا في شكل العربية من بره وجوة وقائمه المواصفات الغنية جدا بكل حاجة.
الموتور تقريبا زي موتور الموديل اللي فات بس اداؤه اعلى لان العربية اخف وكمان التصميم الجديد بيقلل احتكاك الهوا على السرعات الكبيره.
رايي الشخصي:
مش حقول اكتر من ان العربية دي جذبت زوار معرض اوتوماك كلهم ومفيش حد راح المعرض من غير مايشوف العربية دي والطريف انها جذبت الانظار عن الفئات الاعلى زي الاي كلاس وانا بعتبرها عروس المعرض السنة دي وكمان لونها الابيض زاد من جمال العربية وجاذبيتها.
تجربتي في معرض اوتوماك 2015:
وانا داخل على قسم المرسيدس وقفت لثواني اتفرج على السي كلاس اللي كانت واقفة في وسط القسم الخاص بالعربيات المرسيدس وكانهم عارفين انها اكتر عربية حتجذب الانظار والجميل السنة دي في مرسيدس ان كل عربيات المرسيدس كانت بلون واحد وهو اللون الابيض.
مش حتكلم عن الشكل الخارجي غير انه اس كلاس بالضبط بس بابعاد وحجم اصغر وطبعا مفيش اي تعليق على الشكل غير انه من اجمل العربيات اللي صنعتها مرسيدس وطبعا من اجمل العربيات في فئتها.
وانا بفتح الباب عجبني جدا ثقل البودي والباب كان تقيل في ايدي ومحمل كاني بفتح باب الاس كلاس وممكن اقول انها من اتقل العربيات اللي ركبتها في المعرض وكمان سمك الباب والخامات الداخليه مش اقل ابدا من الاي والاس كلاس وانا بحب بشكل عام اهتم بموضوع ثقل الباب والبودي لان ده من اهم وسائل الحماية والامان لاي عربية من وجهة نظري بالاضافة طبعا لاحدث انظمة الامان المعروفة.
لما ركبت العربية نسيت تماما الموديل اللي فات لاني فعلا راكب عربية مختلفة في كل حاجة حسيت ان مرسيدس حطت احدث حاجة وصلت ليها في مجال التصميم والتكنولوجيا والصناعة في العربية دي.
طبعا كل حاجة بالكهربا مفيش اي حاجة يدوي زي التحكم في الكرسي والمقود وازرار التحكم في الكرسي على الباب واكتر حاجة عجبتني التفاصيل الداخلية زي الازرار وفتحات التكييف وكل حاجة مصنوعة بدقة وبأجود الخامات.
وطبعا الكونسول الوسطي المصنوع بالكامل من الخشب مع فتحات التكييف الدائرية الكبيرة والشاشة اللي بيتم التحكم فيها ببكره عند مسند اليد كل ده مصنوع بمنتهى الدقة وبمواد فخمة جدا.
كل الكماليات كانت موجودة زي فتحة السقة البانوراميه الجذابة والنظام الصوتي المتطور.
عربية زي دي اكيد ملهاش عيوب بس انا حتكلم عن رايي الشخصي لما ركبت العربية.
الكرسي ممتاز ومدعم من الاجناب بس قاعدة الكرسي كانت قصيرة وكنت مضطر ازود طول قاعدة الكرسي.
العدادات مش كبيرة ومش جذابة اوي زي المرسيدس الـ CLA بس الشاشة الوسطية مابنهم كبيرة وواضحة وطبعا الفخامة والتصميم الداخلي للتابلوه يعوض ده.
الشنطة صغيرة بالنسبة للفئه دي من العربيات وكمان المساحات جوة مش كبيرة اوي زي باقي العربيات في فئتها.
اخيرا العربية دي مش بتمشي الا ببنزين 95 وده عرفته من كلامي مع مسئول مرسيدس في المعرض.
وده فيديو عن العربية صورته بنفسي
تعليقات
إرسال تعليق